அழைக்கின்ற புது வருடம் 
அன்பு கொண்டு அணைக்கட்டும் 

புது வருடம் புது புது எண்ணங்கள் 
புது சக்தி கொண்டு புது வாழ்வு காண்போம் 

இதழ்களில் மொழிகள் பிறவாது 
இதயத்தில் பிறந்து இன்பங்கள் பேசட்டும் 

புன்னகை முகம் கொண்டு 
புது புது முகங்கள் வரவாகட்டும் 

நம்பிக்கை அம்பு எய்து 
இமயம் வரை சென்று இலட்ச்சிய கனி பறிக்கட்டும் 

கருணையும் காதலும் உன்னில் பிறக்க 
கலியுகம் விரண்டோட மதி கொண்டு விதி வெல்

வேற்றுமை கடந்து வெளியே வா 
சொந்தங்கள் இணையட்டும் சுகந்தங்கள் பாடட்டும் 

இயற்கையின் படைப்பில் நாம் மனிதர் 
பிரிவினை கழித்து இணைப்பினை கூட்டு 

வருக வருக புது வருடமே 
வசந்தங்கள் கொண்டு நம் வாசல் வா 

மலர்ந்துட்ட புது வருடம் சிறக்க 
மனிதர் நாம் அன்பால் இணைந்திருப்போம்

By HeartBeat_Santh

காதல் மழை 

மின்னல் கீற்றாக 

கண்ணிமைக்கும் நேரத்தில் வந்து போன காதல்! 

இடி முழக்கமாய் 

நெஞ்சை தாக்கி நிலை குலைய வைத்து நீங்க !

கடும் மழையாக 

கண்ணீர் மழை அதுவும் மண்ணை நனைத்தது !

மழை காலம் போல் காதல் காலுமும் ஒரு சுகமே !!

By Heartbeat_Santh

காதல் வரம்

காதல் வரம் 

நீ வந்தால் நீ வந்தால் நேரம் கூடுமடி 
நீ சென்றால் நீ சென்றால் இதயம் வாடுமடி 
நீ செல்லும் நீ செல்லும் பாதை நானுமடி 
நீ பிரிந்தால் நீ பிரிந்தால் உயிரும் பிரியுமடி 
நாளை நம் காதல் கூட காவியம் ஆகுமடி 

நீ சிரிக்க சிரிக்க சிரிக்க 
நான் நொறுங்கி நொறுங்கி தவிக்க 
கண் சிமிட்ட சிமிட்ட சிமிட்ட 
நான் விழுந்து விழுந்து எழும்ப 
அன்பில் விழுகிறேன் பின்பு தவிக்கிறேன் 
அவள் மூச்சினில் நான் சுவாசித்தேன் 
ஒரு ஜென்மத்தில் நான் இருமுறை 
வாழ்கிறேன் அவள் வரத்தினால் 

நாளை நம் காதல் கூட காவியம் ஆகுமடி

By HeartBeat_Santh

பிரிந்தாலும் பிரியம் உண்டு

பிரிந்தாலும் பிரியம் உண்டு 

சில சமயங்களில் 

உறவுகளும் நட்புகளும் 

விலகி இருந்தால் தான் விரும்பி இருக்கும் 

சூரியன் தொலைவில் இருந்து ஒளி தந்தாள் தான் 

பூக்கள் மலரும் நெருங்கி வந்தால் மரணிக்கும் 

அதே போல் தான் சில நேரங்களில் 

உறவுகள் எட்டி இருந்தாலும் ஒட்டி இருக்கும் 

By Heartbeat_Santh

மன உறுதி

மன உறுதி 

பெய்கின்ற மழையை

நில் என்று சொன்னால் நிக்குமா 

ஆனால் நனையாமல் இருக்க முடியும் 

புறம் பேசும் மனிதர்களை 

நிறுத்த முயழ்வது நடக்காத காரியம் 

ஆனால் நீ நீயாக இருக்க முடியும்  

By HeartBeat_Santh

இனி இனிக்காது இன்பம்

இனி இனிக்காது இன்பம் 

சோகங்களை மட்டுமே ஏற்ற மனம் 

அழுது அழுது கண்ணீரும் வற்ற

அழ வைக்க வந்த சோகமும் ஏமாற

சோகங்களால் பழகிய மன நிலை 

சந்தோசத்தை ஏற்க முடியாமல்  

சக்தி இழந்து இதயம் நடுங்குகிறது 

By Heartbeat_Santh

நினைக்க மட்டுமே

நினைக்க மட்டுமே 

மழையில் நனைந்த காலம் 

மழை நீரில் செலுத்த கட்டிய கப்பல்

மணல் வீடு கட்டிய விவேகம் 

அழுது அடம் பிடித்து உண்ணாமல்

போராடி வாங்கி பழகிய சுதந்திரம் 

நிலைக்க முடியா நினைக்க முடிந்த சுகம் 

BY Heartbeat_Santh

விதி விலக்கான விதி

விதி விலக்கான விதி 

இனிய தோழமை இல்லாத ஏக்கம்  

நிழல் கூட துணை இல்லாத தவிப்பு 

பகல் கூட இருள் போல உணர்கிறேன் 

விரும்பாமல் தழுவும் தனிமை 

என் பிறப்பு கூட ஒரு ஊனம் தான் 

உடலால் அல்ல உணர்வுகளால்  

BY Heartbeat_Santh

இதயம் துடிக்கும் வரை

நீ பூ போல வந்தாய் புன்னகை தந்தாய் 

நான் காற்றாகி வந்து உன்னில் கலந்தேன் 

நீயும் வந்த நேரம் இனி நிலவும் பாடும் ராகம் 

நானும் நீயும் பேச இனி இருளும் நீளும் கொஞ்சம் 

உன் கண் மொழி தானே

இன்றேன் கவிதை வரி 

உன் குரல் மொழி கூட 

இசையில் ஏழுஸ்வரம்

கண்கள் இணைத்த காதல் 

இனி எம் இமைகள் மூடும் வரை 

இரு உயரில் கலந்த உறவு 

இனி எம் இதயம் துடிக்கும் வரை

By Heartbeat_Santh

தமிழீழ விடுதலைக்காக தம் உயிர்களை ஈகம் செய்த அணைத்து உன்னத ஆத்மாக்களை நானும் நினைவு கூறுகிறேன் 

விடுதலை தாகம் தீரவில்லை 

விழிகளில் ஈரம் காயவில்லை 

உயிர்களை கொடுத்தோம் 

உதிரத்தை வடித்தோம் 

உறவுகள் பிரிந்தோம்

உலகத்தை வெறுத்தோம் - இன்னும் 

விடுதலை தாகம் தீரவில்லை 

விழிகளில் ஈரம் காயவில்லை 

தமிழ் தாய் நிமிர 

தாயகம் விடிய 

நம் இனம் தலைக்க

நாம் கேட்பதில் தவறா 

உலகமே பார்க்க 

உயிர்களை கொண்டவன் 

உண்மையே செத்த பின் 

பிணம் பேசும் மனிதம்

இன்னும் 

விடுதலை தாகம் தீரவில்லை 

விழிகளில் ஈரம் காயவில்லை 

நஞ்சுள்ளம்  கொண்டவனே 

நச்சு புகை கொண்டு 

களம் ஆடி வெல்லாது 

கொன்றழித்த கோழையடா

அதர்மம் வென்றால் 

நிலைப்பதில்லை  வெறியனே

தர்மம் தலை தூக்கும் 

தாயகம் முடிவாகும் 

இன்னும் 

ஏன் கண்களில் ஈரம் தோழா !!

விடியும் ஈழம் விடி வெள்ளி காண்போம்!!

BY Heartbeat_santh

காதல் முன் கடவுள் பின்

பிடித்தவரை நேசிக்க ஒரு ஆயுள் போதாது 

நேசித்த ஒருவரை வெறுக்க நிமிடம் போதும் 

நேசித்தல் நேசிக்க படுதல் இலகுவில் கிட்டாது 

இலகுவில் கிடைத்தால் இறுதிவரை வராது 

கலைதயாத காதல் இருந்தால் நகராது நிமிடம்

பொறாமையின் அர்த்தம் கடவுளுக்கும் புரியும் 

By Heartbeat_Santh

தூக்கிலிடப்பட்ட நீதி

வாக்கெடுப்பில் நீதிகள் வழங்கி 

உயிர் போனதற்காய் நீதி கேட்டால்

ஒரு உயிர் போதாதாம் 

ஒரு இனமே சாகனுமாம்

சுட்ட பின் வரும் சுட சுட செய்தி 

இணையத்தில் இரங்கல் தெரிவித்தோம் 

இது தான் மனித நேய நவீன அவதாரம் 

By Heartbeat_santh

அன்பு அநாதயானால்

அன்பு அநாதயானால்

சிறு ஒளி இருந்தால் கூட 

இரு விழிகள் வழி  காட்ட 

இருள் கூட தடை இல்லை

அணைக்க முடியா அன்பு போல..!!  

  

ஆயிரம் சூரியன் இருந்தும் 

விழிகள் இல்லை எனில் 

விழிகள் விடியல் காணாது  

அநாதை பகிரா அன்பு போல..!!

By HeartBeat_Santh

இருளில் பூக்கின்ற பூ

கருத்துக்கள் பகிரப்படா

கலைஞ்சனின் படைப்புகள் 

பேச முடிந்தும் ஊமை போல

சரி பிழை அறியா 

கலைஞ்சனின் ஆக்கங்கள் 

உயிருடன் எரிப்பதற்கு சமம்

By HeartBeat_santh

காதலில்

காதலில் 

பிடித்தவருடன் இருக்கும் நிமிடங்களில்  

மவுனங்கள் கூட அழகாய் பேசும்..

இணைந்திருக்கும் தருணங்கள் நிஜமானவை

உண்மை அன்பு மட்டும் அரவணைக்கும் ...

காதல் இல்லாத வாழ்கையின் அனுபவம் 

கடவுளே உன் முன் வாந்தால் கூட பிடிக்காது ...

By HeartBeat_santh

தாயும் இசையும்

நல்ல இசையும் தாயும் ஒன்றே 
வெறுக்கவோ பிரிக்கவோ முடியாது 
தாயுடன் இருக்கும் சந்தோசத்தை 
நல் இசை கூட தருவதால் தான் 
இசை உள்ளவரை அநாதை இல்லை 
மொழி இல்லாமலே உணர்வுகள் பேசும் 

By HeartBeat_Santh

விடியலுக்காய்

கதிரவன் ஒளி பட்டு சிரிக்காத உயிர் இல்லை 

இருந்தும் என்னை சுற்றி ஏன் ஒளி இல்லை 

காலை முதல் மாலை வரை காத்திருந்தும் 

என் முகத்தில் மட்டும் புன்னகை பூக்கவில்லை 

என்ன தான் சூரிய ஒளி பட்டாலும் 

பாலைவனம் என்றுமே பூப்பதில்லை 

By HeartBeat_santh

கமல்ஹாசன்

யார் யார் சிவம் 

அன்பே சிவம் 

நிஜவாழ்கையில் பல முகம் காட்டும் மனிதர்க்குள் 

திரை வாழ்கையில் மட்டும் பல முகம் காட்டி 

நிஜ வாழ்கையில் ஒரு முகம் கொண்ட 

திரையில் நடித்து நிஜத்தில் நடிக்காத 

சிறந்த நடிகன் நிஜமான மனிதர் 

இதயம் கவர்ந்த கமல்ஹாசன் அவர்களிற்கு 

இதய துடிப்பின் இனிய பிறந்த நாள் நல்வாழ்த்துக்கள் 

கமல்ஹாசன் ஆயுள் கலையின் ஆயுள் ஆகட்டும் 

மாற்றம்

கல் நெஞ்சம் படைத்தவர் 

என்ற காலம் கடந்து 

மனிதன் உணர்வற்ற 

கல்லாகவே மாறிவிட்டான் 

அடித்தாலும் வலிக்கவில்லை 

அனைத்தாலும் சுகமில்லை 

By HeartBeat_santh

கற்பனா சக்தி

கற்பனா சக்தி இல்லாத மனிதன் 

பணம் இருந்தும் ஏழை 

கற்பணை தரும் சுகத்தை 

காசு பணம் தர இயலாது

நூல்கள் வாசிக்கும் போது

இருந்த இடத்தில் இருந்தே 

உலகை சுற்றிவரும் அனுபவம் அது 

By HeartBeat_Santh

காதல் மழை

வான் தூறல் போடாமலே 
வானவில் தெரிகிறது 
நான்கு கண்கள் மோதி 
இமை துடிக்கும் நேரத்தில் 
இதயங்கள் இடம் மற்றம் 
மனதுக்குள் மழைத்தூறல் 

By HeartBeat_Santh

மனப் போரட்டம்

இறக்க போகிறோம் என தெரிந்தும் 

இறக்கும் போகும் நாள் தெரியமால்  

தினம் தினம் நாட்களை நகர்த்தும் 

மனப் போரட்டம் போல் தான் 

வெறுக்கபடுகிறோம் என தெரிந்தும் 

ஏன் என்று காரணம் தெரியமால் இருப்பது 

By HeartBeat_santh

விழி மொழி

விழி மொழி 

நம்மில் உண்மை மொழி பேசும் 

ஒரே வழி நம் கண்கள் வழி மட்டுமே 

இதயம் சொல்லவதை உதடுகள் மாற்றலாம் 

விழிகள் படம் போட்டு காட்டும் உண்மை 

உலகை மட்டும் அல்ல உள்ளங்களயும் காட்டும் 

மனித உள் உணர்வுகளை மெய்யாக சொல்லும் 

By HeartBeat_Santh

மகுடிக்கு மட்டும்  மயங்குவது  பாம்பு 

மனிதனது மயக்கமோ அனைத்திலும் 

ஊத்தினாலும் ஓதினாலும் போதை ஏறும் 

சுய அறிவு, மரியாதையை இழந்து இன்பம் 

தீய பழக்கங்கள் மட்டுமே போதை ஆகாது 

இன்பத்திற்கு அடிமை படுத்தும் அனைத்துமே 

மதி சொல்வதை கேட்டால் மனது தடுமாறும் 

மனது சொன்னபடி சென்றால் விதி விளையாடும்

மனதும் மதியும் சேர்ந்து முடிவு எடுப்பது கடினம்  

இரவும் பகலும்  ஒன்று  சேர துடித்தால்  முடியாது 

கெட்டதை படைத்தது விட்டு ஏன் தர்மம் வெல்லனும்  

தெய்வ படைப்பின் விடை அறிய முடியா கேள்விகள் 

என்றென்றும் காதலுடன்

என்றென்றும்  காதலுடன் 

அன்பில் தொடங்கி அறிவால் ஆராயாது 

அன்பில் தொடங்கி அன்பில் முடியனும்

உண்மை காதல் விட்டு போவது இல்லை 

அது விட்டு கொடுத்து இணைந்து வாழும் 

நடந்த தவறு கொடுத்த மன்னிப்பு மறந்திடு 

இல்லையேல் தவறு நினைவில் இருக்கும் 

உலக அதியங்களே பார்த்து வியக்கும் 

உயிர்  உள்ள அதிசயம் ஏழையின் சிரிப்பு 

காலத்தின் மாற்றத்தின் உச்ச கட்ட தீண்டாமை

துஷ்டனை கண்டால் தூர விலகி நின்றது போய்

நல்லவரை கண்டால் எட்டியே வைக்கிற காலம் 

ஏமாற்ற தெரிந்தவன் உலகம் பாராட்டும் அறிவாளி

பிழையாக வாழ்ந்தால் மட்டுமே சரி போடும் மாயம்

அநீதி முதலீடாம்  நீதி வியாபாரமாம் வேஷ உலகம்

தொலை தூர பயணத்துடன்

துணை நின்ற உறவுகள் பிரிகின்ற தருணம்

அழகிய ஒரு கனவு கலைந்தது போல வலி

நினைவுகள் வேகமாய் வந்து குவிய

நீருக்குள் மூழ்கி தத்தளிப்பது போல்

வாழ்கை கேள்வியாக கண்ணீர் பதிலானது

பிறக்கும் வரை சுமப்பது அன்னை

இறந்தாலும் சுமப்பது பூமி அன்னை

உனை மிதித்தும் மறந்தும் வாழ்கிறோம்

இருந்தும் காக்கிறாய் உலக அன்னையாவதால்

உன் மடியில் மண்டியிட்டு வணங்குகிறேன்

தாய் இல்லா எனக்கு புரிகிறது உன் அருமை 

குருதியில் கலந்த உறவுகள் பிரிந்து சென்றாலும்

உறுதியுடன் உதித்த நட்பு தான் சேர்ந்து நிக்கிறது

உலகம் வேறு பாடு கடந்து கை கோர்த்து நடப்பது

இன மத மொழி கடந்த நட்பெனும் ஒரே பாதையில்

நட்பு மட்டும் இல்லை எனில் நாம் தனி தனி தேசமே

நட்பை படைத்த பெருமை எமக்கே இறைவனுக்கல்ல

அணைத்து நட்புள்ளங்களுக்கும்

நண்பர்கள் தின நல் வாழ்த்துக்கள்

இருட்டில் கூட இமை திறந்து பார்த்தால் தான் 

இருள் வானில் நிலவும் நட்சத்திரமும் அழகு 

விடியும் வரை விழி மூடி ரசிப்பது காதலி அழகை 

அருகில் இருந்தாலும் சரி கனவில் வந்தாலும் சரி 

பேச்சில் வித்தை காட்டி  செயலில் ஊனமான

நம் கூட இருக்கும் மனிதர்கள் வெறும் பாரம்

நடு  தொண்டையில் சிக்கிய மீன் முள் போல்

துப்பினாலும் விழுங்கினாலும் வலி இருக்கும்

பல சந்தர்பங்களில்

தெரிந்தோ தெரியமலோ

எமது வெற்றிகளிலும்  சந்தோசங்களிலும்

இன்னொருவர் தோற்கிறார், வேதனை அடைகிறார்

இங்கு யார் நல்லவர் யார்  கேட்டவர்

புரிந்தும் புரியாமலும் நகர்கிறது வாழ்க்கை

குழந்தை எழுந்து நடந்த முதல் நிமிடம் 

பெற்றவருக்கு நம்பிக்கை பிள்ளை மீது 

முதன்  முதலில் காதல் சொன்ன நிமிடம் 

காதலரின் நம்பிக்கை பிரியாத வரம் என்று 

மனிதர் அறிந்த உண்மை புரிகின்ற நிமிடம் 

சுவாசித்த நம்பிக்கை இறுதி மூச்சோடு சரி 

ஆசை துறந்தால் சாமியாக முடியாது 

ஆசையை துறத்தல் என்பது உன் ஆசை 

யாதார்த்த வாழ்க்கை வாழ இயலாமால் 

ஒதுங்கி நின்று போதிப்பதல்ல போதனை

இயல்பாய் இணைந்து ஒன்றாய் பயணித்து 

அனுபவம் சொன்னால் ஆசை துறக்கலாம் 

மறு ஜென்மம் அதை நான் விரும்பவில்லை 

பிரிக்க முடியா  நம் காதலை அது பிரித்துவிடும் 

இறப்பு உடலுக்கு விடுதலை காதல் தொடரும் 

ஆசை துறந்த இறைவா காதலை பிரிக்காதே 

பிறரில் சிறு முயற்சி கண்டாலும்

நம்பிக்கை கொடுக்க மறவாதீர்கள்

சிறு முயற்சி அகல் விளக்கு போல்

ஓராயிரம் விளக்குகள் ஓளி வீசலாம்

சிறு நம்பிக்கை சிகரம் தொடும் உயர்ச்சி

உடலால் ஊனமானது கடவுள் எழுதிய தீர்ப்பு

மனம் ஊனமானால் நிச்சியம் விதி வெல்லும்

உணர்வுகள் உறுப்பானதால் விதி தோற்றது  

நீ மனதில் எழுதிய தீர்ப்பு உனது புதிய பாதை

அழுதழுது கண்களில் ஈரம் இல்லை 

இன்னும் இதயம் அழுகிறது நீ அறியாய் 

அன்பிற்காய் போராடுபவன் முட்டாள் 

நீ அன்பிற்காய் காத்திருக்கும் நாள் வரை 

நம் நான்கு கரங்களால் நாம் இட்ட சிறையில் 

இதயங்கள் முத்தமிடும் இடைவெளிதான் 

நாணத்தால் நிலவு முகிலை தூது அழைத்து 

தன் முகம் மூடி இன்னும் இருளை கூட்டுகிறது 

நமக்கோ இந்த நொடி ஆயுள் முடிந்தாலும் ஆனந்தம் 

இறுதி வரை ஆயுள் கைதியானாலும் பேரின்பம் 

அளவு கடந்த அறிவும் 

ஆழமான கடவுள் பக்தியும் 

சில சமயங்களில் 

யதார்த்தமான வாழ்க்கையை 

ரசிக்க முடியாமால் 

தெளிவாக பேசி 

குழப்பத்தில் வாழ்வார்கள்! 

ஒற்றுமைகளை கண்டு காதல் பிறந்தாலும்

வேற்றுமைகளை மதித்தால் ஆயுள் வரை

புரியாத காதல் உடலால் இணைந்திருக்கும்

புரிந்த  காதல்  உணர்வால் தொடந்திருக்கும்