இருளும் அழகும்
விண்மீன்கள் விழி திறக்கும் நேரம்
வான் எங்கும் மயில் இறகாய் கண்கள்
நட்சத்திரங்கள் கண் சிமிட்டும் அழகில்
விடிய விடிய வான் பாடும் காதல் கீதம்
இருள் வரைந்த அழகிய கோலம் நிலவு
நிலவின் அழகிற்கு நிறங்களும் அடிமையாகும்
வான் நிலா உலா வரும் நேரம்
காதலும் கவிதைகளும் கருப் பெறும் மண்ணில்
நிசப்தமான இரவுகளில் நிம்மதி வந்தணைக்கும்
அமைதியான இரவில் இதயம் ஆயிரம் கதை பேசும்
சத்தம் இன்றிய இரவில் இதய சஞ்சலம் குறையும்
அமைதி தரும் இரவில் அனைவருமே மௌன விரதம்
இருள் தரும் குளிர் காற்று இன்ப வரம்
உடல் தழுவும் காற்று உயிரை முத்தமிடும்
இருள் நேரக் காற்றில் இதயங்கள் இளைப்பாறும்
சுவாசம் சுகமாகவும் இருள் சுபமாகும்
இருளின் அழகை தரிசித்த கண்கள்
இனி வந்தணைக்கும் நித்திரை சொர்க்கம்
இருள் தந்த இன்பக் கொடை உறக்கம்
இனி இருளில் கனவுகளின் ராச்சியம் ஆரம்பம்
By Prasanth Satkunanathan ( Heart Beat)
No comments:
Post a Comment